Ako si Lapis ADvocacy

Malapit nang umalarga ang lapis. Sumabay sa kanyang pangarap! Lumipad! Umahon!

- ginoong lapis, II-X-MMX

Tinawag nga ba?

Nakaraan lang, naghihimutok ang puso ko. Gusto kong lumabas sa aking kulungan at magbagong anyo upang magliwanag.

Nakaraan lang, nagnanais ako na baguhin ang mundo. Ihulma ang mundo gamit ang hubad kong kamay upang maging maayos tulad ng makulay na araw.

Nakaraan lang, sumisigaw ang aking damdamin. Lumalaki ang aking puso na tila nais sampalin ang napakalaking ampaw na humaharang sa ating daan.

Nakaraan lang, dumadagundong lupa na aking tinatapakan. Binubuhat ang aking paa upang maglakad, tumakbo! at habulin ang aswang na panaginip!

Patayin! Durugin! at itapon sa asupreng nagbabaga!

Ngunit ngayon, bigla akong natakot. Tinawag nga ba ako upang maging superhero? Ako ba ang tinakda upang mamatay para sa ibang tao? Ako ba ang tunay na sugo na babangga sa napakalaking bato?

Hihintayin ko munang manahimik ang aking emosyon bago mapatunayan ang tunay kong kapalaran. Ako nga ba ang tinawag?

- ginoong lapis, I-XVIII-MMX

Bagong Lapis

Siguro, ito ang pagkakataon kong magplano. Habang nagpuputukan sa labas ng bahay namin at habang nagkakalembang ng kaldero ang mga tambay-katarungan, napapaisip ako na bagong taon na nga. 2010 na! OO NGA! 2010 na!!! Oras ko na upang magbagong anyo. Araw-araw naman eh. Parating bago.

Pero sa pagkakataong ito, may mga bagay akong dapat ayusin, balikan, tapusin at simulan.

Una sa lahat, ang spiritual life. Kailangan kong ihanda ang sarili sa isang malawakang apoy na isasabog ko sa isang malawak na lupain. (Wow! metaphorical.) Ito lang naman ang ibig kong sabihin: kung gusto kong gumawa ng PAGBABAGO, dapat magsimula yun sa akin. Classic na kasabihan: you cannot give what you don’t have. Kailangan kong AYUSIN ang buhay ko. Unahin si BRO higit sa lahat. FOCUS ginoong lapis! FOCUS! FRIENDS Habit lang naman yan, lapis. F-ellowship with Christians, R-ead and read and meditate and meditate the Word of God (minsan kasi sumasablay-i have to be honest puro read nalang nangyayari.. wala ng meditate), I-nvolve in Ministry, E-vangelize the Lost, N-ear to God in WORSHIP, and D-evote in Prayer Life.

Pangalawa, kailangan kong BALIKAN ang naiwan kong PALS. Isa itong college campus ministry. 2nd recognized full-gospel and Christ-centered Christian movement sa campus namin. I got the vision of reaching the college students in 2008. Doon nagsimula ang desire ko na ipagamit ang buhay ko upang tulungan ang mga estudyante sa campus namin na mapalapit pa kay Jesus. Namayagpag ang ministry sa unang taon nito. Pero mautak ang kaaway. Tinabunan niya ako ng napakaraming paper works para makalimutan ang ministry. Kaya ngayong taon na to, gusto kong balikan ang League of PALS. Nais kong unahin ang core staff at ibalik ang HABIT of Praying. Gawing AKTIBO para kay KRISTO!

Nais ko na rin TAPUSIN ang mga hindi ko kailangan pinagtutuunan ng pansin. Ang mga hindi ko dapat inuuna. Tapusin ang mga naiwan kong trabaho sa school at mga nabitin na pangako sa mga kaibigan. Sa gayon, maayos ko na ang buhay ko. JESUS. FAMILY. STUDY-MINISTRY.

SISIMULAN ko na rin ang isang pangarap ko. Bibitinin ko muna kayo. Sa mga susunod na panahon, kung loobin ng Panginoon, matutupad ang lahat ng iyon.

In his heart a man plans his course, but the LORD determines his steps. – Proverbs 16:9

- ginoong lapis, i-i-mmx

Last post in 2009 and First Greeting in 2010

Pagbati mula kay ginoong lapis.

Sa mga susunod na panahon, makikita niyo pa ang mga bagong magaganap at lakbayin ni ginoong lapis sa taong ito.

Have a blessed 2010 to everyone! Let us declare that this year is for CHRIST!!!

=D

- ginoong lapis, i-i-mmx

Pagbabago Lagi nalang Pagbabago

Minsan lang ako susulat sa’yo. Pagbigyan mo na ang hiling kong ilabas ang hinaing dito sa puso ko. Ilang beses ka ng ganyan. Pinagbigyan sa maraming pagkakataon. Akala ko magbabago ang lahat. Ngunit ganoon pa rin.

Wala bang pagbabago?

Binibigyan ng korona ang payatot na linta. Pinapataba hanggang sumabog ang buong katawan. Ang karunungan mo ay kumukupas dahil sa mga uod na pilit isinisiksik ang sarili sa bawat bulok na sulok.

Wala bang pagbabago?

Akala ko, ikaw ang pinagmamalaki ng ama mong kilala sa buong bayan. Nakahilera sa mga mayayaman sa bansa. Akala ko, ikaw ang pundasyon ng iyong ina. Sa’yo lamang kami umaasa, kaming mga dukha. Ngunit inaalipin mo kami sa mabaho’t masikip na kahon.

Nagbago ka na nga..

Una kitang nakilala, taas noo kong ipinagmamalaki ang pangalan mo. Buong lakas na isinisigaw sa buong mundo kung gaano ka kagaling! kahusay! Kahit na ika’y bata, ipinagmalaki kita at patuloy na pinagmamalaki dahil buong puso kitang pinagkakatiwalaan. Ngunit, kailangan ko pa atang mag-alay ng dugo upang mapatunayan sa ibang tao na magaling ka… ayaw nilang maniwala sayo.

Wala pa rin pagbabago…

Ang karunungan ng mga linta ang nangingibabaw. At ang kapangyarihan ng mga alimango ang nagniningning. Natatapakan nila ang katulad ko… ang kaibigan mong naniniwala sa’yo. Ilang beses akong sumisigaw upang humingi sa’yo ng pabor. Ngunit hindi mo ako pinakikinggan, dahil ang mga alimango at linta na lamang ang kaibigan mo.

Wala na ba talagang pagbabago?

Oo. pabago-bago nga ang ugali ng mga lintang nakakawit sa’yo. Ngunit wala talaga.

Nakakaawa ka. Naawa ako dahil nilimot mo na ang mga kaibigan mong tapat sa’yo, mga handang ibuhos ang dugo at pawis upang mapaganda ka pa. Ngunit wala. Nabulag ka na ata.

Gagawa ako ng paraan upang mabago ka!

Magsasama-sama kaming mga nilimot mong kaibigan upang gumawa ng pagbabago.

Babalakin namin na angkinin kang muli. Sa ngalan ng pag-ibig at pagiging tapat, buong lakas akong aahon upang tawagin ang lahat sa MALAKIHANG PAGBABAGO! Humanda ka!

Pagbabago Lagi nalang Pagbabago!

simulan na natin ngayon.

- ginoong lapis